paya koi shajar na koi aasra laga

paayā koī shajar na koī aasrā lagā

vo dhuup thī ki apnā hī saaya ḳhudā lagā

ghabrā ke bām-o-dar ke sulagte sukūt se

jhāñkā hī thā galī meñ ki sañg-e-sadā lagā

jhāḌī jo aag chehroñ kī rañgat badal ga.ī

us ke dukhoñ kā zikr sabhī ko burā lagā

dekhā use to aks-e-tamannā chamak uThe

is shahr-e-sañg meñ vo mujhe aa.inā lagā

sahrā ko der se thī kisī abr kī talāsh

paayā mujhe to vo mire siine se aa lagā

kitnā badal gayā hai vo zulfeñ tarāsh kar

dekhā jo duur se to koī dūsrā lagā

chhūte hī us ko ġhuncha-e-ehsās khil uThe

'rāshid' thake badan ko vo mauj-e-sabā lagā

paya koi shajar na koi aasra laga

wo dhup thi ki apna hi saya KHuda laga

ghabra ke baam-o-dar ke sulagte sukut se

jhanka hi tha gali mein ki sang-e-sada laga

jhaDi jo aag chehron ki rangat badal gai

us ke dukhon ka zikr sabhi ko bura laga

dekha use to aks-e-tamanna chamak uThe

is shahr-e-sang mein wo mujhe aaina laga

sahra ko der se thi kisi abr ki talash

paya mujhe to wo mere sine se aa laga

kitna badal gaya hai wo zulfen tarash kar

dekha jo dur se to koi dusra laga

chhute hi us ko ghuncha-e-ehsas khil uThe

'rashid' thake badan ko wo mauj-e-saba laga