paDe hain rah mein jaur-o-jafa ke silsile kitne
paDe hain rah mein jaur-o-jafa ke silsile kitne
Basheshar Nath Kanwal Panipati
MORE BYBasheshar Nath Kanwal Panipati
paḌe haiñ raah meñ jaur-o-jafā ke silsile kitne
mare sar se guzarne ko abhī haiñ hādse kitne
kabhī sho.ale piye maiñ ne kabhī tūfāñ se Takrāyā
mire siine pe likkhe haiñ junūñ ne hausle kitne
udhar lohe ke darvāze idhar chāñdī kī dīvāreñ
abhī insān se insān tak haiñ fāsle kitne
bikhar kar ek dil Dhaltā hai kitne hī fasānoñ meñ
gayā jab TuuT ā.īna to ā.īne bane kitne
chalan thā āñdhiyoñ kā aur añdheroñ kī hukūmat thī
diye ḳhud hī batā.eñge jale kitne bujhe kitne
paDe hain rah mein jaur-o-jafa ke silsile kitne
mare sar se guzarne ko abhi hain hadse kitne
kabhi shoale piye main ne kabhi tufan se Takraya
mere sine pe likkhe hain junun ne hausle kitne
udhar lohe ke darwaze idhar chandi ki diwaren
abhi insan se insan tak hain fasle kitne
bikhar kar ek dil Dhalta hai kitne hi fasanon mein
gaya jab TuT aaina to aaine bane kitne
chalan tha aandhiyon ka aur andheron ki hukumat thi
diye KHud hi bataenge jale kitne bujhe kitne
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.