paDha hai maine KHat mein aaj aaya hai

paḌhā hai maiñ ne ḳhat meñ aaj aaya hai

nayā mausam na.e jazbāt laayā hai

tumhārī ḳhud-parastī nā-shanāsī ne

hameñ ye rāsta mushkil dikhāyā hai

zamāne ke sitam dard-o-alam saare

sabhī kuchh zindagī se ham ne paayā hai

dukhāyā zindagī ne jab bhī hai dil ko

tirī yādoñ ko siine se lagāyā hai

banāyā hai ḳhudā ne is mohabbat ko

use insāñ ne jaañ de kar nibhāyā hai

dil-o-jāñ se tumheñ ai dil-rubā ham ne

'anīs'-e-jāñ banā dil meñ basāyā hai

paDha hai main ne KHat mein aaj aaya hai

naya mausam nae jazbaat laya hai

tumhaari KHud-parasti na-shanasi ne

hamein ye rasta mushkil dikhaya hai

zamane ke sitam dard-o-alam sare

sabhi kuchh zindagi se hum ne paya hai

dukhaya zindagi ne jab bhi hai dil ko

teri yaadon ko sine se lagaya hai

banaya hai KHuda ne is mohabbat ko

use insan ne jaan de kar nibhaya hai

dil-o-jaan se tumhein ai dil-ruba hum ne

'anis'-e-jaan bana dil mein basaya hai