paDha tha jis ko muqaddas kitab ki surat

paḌhā thā jis ko muqaddas kitāb kī sūrat

harām ho gayā ham par sharāb kī sūrat

ḳhizāñ meñ jin ko chunā thā vo ek ik tinkā

bikhar gayā hai bahāroñ meñ ḳhvāb kī sūrat

hamāre sar kī hai me.arāj nok-e-neza par

bulandiyāñ hī rahīñ āftāb kī sūrat

sajī hai dosh pe apne qabā-e-gul-badanī

khile haiñ zaḳhm badan par gulāb kī sūrat

tumhāre shahr kī galiyoñ meñ zindagī kā fusūñ

utar gayā kisī motī kī aab kī sūrat

har ek chiiz ham un ke huzūr haar ke bhī

palaT ke aa.e kisī kāmyāb kī sūrat

paḌho to ġhaur se merā navishta-e-hastī

tumhāre naam hai ik intisāb kī sūrat

añdherī raat meñ jab nikle mai-kade se shaiḳh

chale haram ko mujassam savāb kī sūrat

paDha tha jis ko muqaddas kitab ki surat

haram ho gaya hum par sharab ki surat

KHizan mein jin ko chuna tha wo ek ek tinka

bikhar gaya hai bahaaron mein KHwab ki surat

hamare sar ki hai mearaj nok-e-neza par

bulandiyan hi rahin aaftab ki surat

saji hai dosh pe apne qaba-e-gul-badani

khile hain zaKHm badan par gulab ki surat

tumhaare shahr ki galiyon mein zindagi ka fusun

utar gaya kisi moti ki aab ki surat

har ek chiz hum un ke huzur haar ke bhi

palaT ke aae kisi kaamyab ki surat

paDho to ghaur se mera nawishta-e-hasti

tumhaare nam hai ek intisab ki surat

andheri raat mein jab nikle mai-kade se shaiKH

chale haram ko mujassam sawab ki surat