pagDanDiyon pe chalna bhi to bheD-chaal hai

pagDanDiyoñ pe chalnā bhī to bheḌ-chāl hai

ai nudrat-e-ḳhayāl tirā kyā ḳhayāl hai

vo log ḳhush-nasīb haiñ is daur meñ jinheñ

itnī ḳhabar nahīñ hai ki jiinā muhāl hai

ye iltavā-e-qatl hai jaañ kī amaañ nahīñ

shahr-e-sitam meñ ab jo salīboñ kā kaal hai

bīmār kījiye na in alfāz se mujhe

kahiye mizāj kaise haiñ kyā hāl-chāl hai

raste tamām band haiñ kū-e-najāt ke

mar kar bhī merī ḳhaak yahīñ pā.emāl hai

rasm-e-‘iyār-e-tab’-e-ḳharīdār uTh ga.ī

jo ḳhud ko bech le vahī sāhib-kamāl hai

bas ye huā hai aap kī auqāt ghaT ga.ī

ye kis ne kah diyā hai ki qaht-ur-rijāl hai

tang aa ke aap dair-o-haram ko to chhoḌ deñ

lekin nayā shivāla ye TeḌhā savāl hai

shīshe kā sar liye hue miTTī ke jism par

bāzār ke hujūm meñ chalnā muhāl hai

kab maiñ ne ye kahā hai ki maiñ be-misāl huuñ

ik shaḳhs aa.ine meñ bhī merī misāl hai

pagDanDiyon pe chalna bhi to bheD-chaal hai

ai nudrat-e-KHayal tera kya KHayal hai

wo log KHush-nasib hain is daur mein jinhen

itni KHabar nahin hai ki jina muhaal hai

ye iltawa-e-qatl hai jaan ki aman nahin

shahr-e-sitam mein ab jo salibon ka kal hai

bimar kijiye na in alfaz se mujhe

kahiye mizaj kaise hain kya haal-chaal hai

raste tamam band hain ku-e-najat ke

mar kar bhi meri KHak yahin paemal hai

rasm-e-‘iyar-e-tab’-e-KHaridar uTh gai

jo KHud ko bech le wahi sahib-kamal hai

bas ye hua hai aap ki auqat ghaT gai

ye kis ne kah diya hai ki qaht-ur-rijal hai

tang aa ke aap dair-o-haram ko to chhoD den

lekin naya shiwala ye TeDha sawal hai

shishe ka sar liye hue miTTi ke jism par

bazar ke hujum mein chalna muhaal hai

kab main ne ye kaha hai ki main be-misal hun

ek shaKHs aaine mein bhi meri misal hai