pahla sa kyon na aah mein meri asar raha

pahlā sā kyoñ na aah meñ merī asar rahā

kyoñ iztirāb-e-shauq se vo be-ḳhabar rahā

shāyad jahān-e-shauq tilism-e-ḳhayāl hai

ik lamha-bhar kā ḳhvāb ki bas lamha-bhar rahā

jā bhī chukā vo phuul sī ḳhushbū bikher kar

maiñ justujū meñ kyoñ tah-e-gard-e-safar rahā

maiñ ne sabhī ke dard meñ ḳhud ko kiyā halāk

ye bhī to ik gunāh thā jo mere sar rahā

merī ye aarzū ki ḳhalāoñ ko sar karūñ

lekin maiñ vo parind ki be-bāl-o-par rahā

vo bhī to jāntā ki mohabbat hai kyā balā

kyoñ siina us kā mere ḳhudā be-sharar rahā

pahla sa kyon na aah mein meri asar raha

kyon iztirab-e-shauq se wo be-KHabar raha

shayad jahan-e-shauq tilism-e-KHayal hai

ek lamha-bhar ka KHwab ki bas lamha-bhar raha

ja bhi chuka wo phul si KHushbu bikher kar

main justuju mein kyon tah-e-gard-e-safar raha

main ne sabhi ke dard mein KHud ko kiya halak

ye bhi to ek gunah tha jo mere sar raha

meri ye aarzu ki KHalaon ko sar karun

lekin main wo parind ki be-baal-o-par raha

wo bhi to jaanta ki mohabbat hai kya bala

kyon sina us ka mere KHuda be-sharar raha