pahle atlas mein jo malbus kiye jate hain

pahle atlas meñ jo malbūs kiye jaate haiñ

phir vo aivānoñ meñ mahbūs kiye jaate haiñ

maiñ unheñ hīta-e-tahrīr meñ lā.ūñ kaise

dard likkhe nahīñ mahsūs kiye jaate haiñ

bāl-o-par kaaT ke deñ izn-e-rihā.ī kyūñ-kar

un parindoñ ko jo mānūs kiye jaate haiñ

itnī āsān nahīñ hotī hai ye rāh-e-suḳhan

paar is meñ ka.ī qāmūs kiye jaate haiñ

in pe to aap hī jhuk jaatī hai rab kī rahmat

jo bhī is duniyā se māyūs kiye jaate haiñ

kyoñ na hoñ zer-o-zabar taḳht-e-'masarrat' un ke

raqs jab sāya-e-tā.ūs kiye jaate haiñ

pahle atlas mein jo malbus kiye jate hain

phir wo aiwanon mein mahbus kiye jate hain

main unhen hita-e-tahrir mein laun kaise

dard likkhe nahin mahsus kiye jate hain

baal-o-par kaT ke den izn-e-rihai kyun-kar

un parindon ko jo manus kiye jate hain

itni aasan nahin hoti hai ye rah-e-suKHan

par is mein kai qamus kiye jate hain

in pe to aap hi jhuk jati hai rab ki rahmat

jo bhi is duniya se mayus kiye jate hain

kyon na hon zer-o-zabar taKHt-e-'masarrat' un ke

raqs jab saya-e-taus kiye jate hain