pahle jo hum chale to faqat yar tak chale

pahle jo ham chale to faqat yaar tak chale

phir fan se le ke hujra-e-fankār tak chale

but-ḳhāna-e-jahān se inkār hai mujhe

lekin vo kyā hue the jo inkār tak chale

mahv-e-ḳhayāl terī tajallī meñ kyā hue

muusā bhī koh-e-tūr ke asrār tak chale

ramz-e-ḳhudā kī ramz bharī raushnī miyāñ

maiñ chāhtā to huuñ mire kirdār tak chale

kuchh rabt husn-e-yār kī tāza-garī se ho

āñkhoñ se ho ke silsila iz.hār tak chale

karbal kī ḳhaak se jo mirī ḳhaak jā mile

phir ḳhaak merī markaz-e-anvār tak chale

yādoñ se bach nikalne kā rasta nahīñ milā

masjid se le ke husn ke bāzār tak chale

pahle jo hum chale to faqat yar tak chale

phir fan se le ke hujra-e-fankar tak chale

but-KHana-e-jahan se inkar hai mujhe

lekin wo kya hue the jo inkar tak chale

mahw-e-KHayal teri tajalli mein kya hue

musa bhi koh-e-tur ke asrar tak chale

ramz-e-KHuda ki ramz bhari raushni miyan

main chahta to hun mere kirdar tak chale

kuchh rabt husn-e-yar ki taza-gari se ho

aankhon se ho ke silsila izhaar tak chale

karbal ki KHak se jo meri KHak ja mile

phir KHak meri markaz-e-anwar tak chale

yaadon se bach nikalne ka rasta nahin mila

masjid se le ke husn ke bazar tak chale