pahle mere panw mein zanjir-e-isyan dekhiye

pahle mere paañv meñ zanjīr-e-isyāñ dekhiye

phir tamāshā-e-tilism-e-bazm-e-imkāñ dekhiye

ḳhūn-e-dil ḳhūn-e-jigar kā naqsh-e-uryāñ dekhiye

apne muñh se kyā kahūñ rang-e-gulistāñ dekhiye

aur sab kuchh hai yahāñ insāniyat mafqūd hai

ab tasavvur meñ faqat insāñ ko insāñ dekhiye

tuur ho yā arsh donoñ hī dil-e-insāñ meñ haiñ

us ko apnī zaat meñ nazd-e-rag-e-jāñ dekhiye

chāñd par Daale kamandeñ aur ḳhud se be-ḳhabar

dekhiye kotāhī-e-idrāk-e-insāñ dekhiye

aag meñ gir jā.iye mohkam agar īmān hai

aur phir sho.aloñ meñ andāz-e-gulistāñ dekhiye

be-kasī meñ tarjumān-e-hāl-e-dil hotā hai ġham

merī ḳhāmoshī hai afsāne kā unvāñ dekhiye

pahle mere panw mein zanjir-e-isyan dekhiye

phir tamasha-e-tilism-e-bazm-e-imkan dekhiye

KHun-e-dil KHun-e-jigar ka naqsh-e-uryan dekhiye

apne munh se kya kahun rang-e-gulistan dekhiye

aur sab kuchh hai yahan insaniyat mafqud hai

ab tasawwur mein faqat insan ko insan dekhiye

tur ho ya arsh donon hi dil-e-insan mein hain

us ko apni zat mein nazd-e-rag-e-jaan dekhiye

chand par Dale kamanden aur KHud se be-KHabar

dekhiye kotahi-e-idrak-e-insan dekhiye

aag mein gir jaiye mohkam agar iman hai

aur phir shoalon mein andaz-e-gulistan dekhiye

be-kasi mein tarjuman-e-haal-e-dil hota hai gham

meri KHamoshi hai afsane ka unwan dekhiye