pahle to dekha aankh-bhar usne

pahle to dekhā āñkh-bhar us ne

phir qalam kar diyā thā sar us ne

sabr kartā to chhāyā bhī detā

jaldī kaaTā hai ye shajar us ne

kuchh bachā bhī nahīñ gayā bhī nahīñ

is tarah luuTā merā ghar us ne

bolne ko abhī nahīñ pal bhī

kī kabhī baat rāt-bhar us ne

jāntā hī nahīñ mujhe jaise

pher lī is tarah nazar us ne

dhar rahā hai vo tohmateñ mujh par

pahle kī thī agar-magar us ne

mujh pe ilzām sau lagā dekho

kar diyā mujh ko nāmvar us ne

baat kartā hai apne matlab se

kitnā rakkhā hai muntazir us ne

jaise kapḌe koī badaltā hai

aise badle haiñ ham-safar us ne

toltā hai vo pyaar daulat se

ḳhud ko tolā nahīñ magar us ne

pahle to dekha aankh-bhar us ne

phir qalam kar diya tha sar us ne

sabr karta to chhaya bhi deta

jaldi kaTa hai ye shajar us ne

kuchh bacha bhi nahin gaya bhi nahin

is tarah luTa mera ghar us ne

bolne ko abhi nahin pal bhi

ki kabhi baat raat-bhar us ne

jaanta hi nahin mujhe jaise

pher li is tarah nazar us ne

dhar raha hai wo tohmaten mujh par

pahle ki thi agar-magar us ne

mujh pe ilzam sau laga dekho

kar diya mujh ko namwar us ne

baat karta hai apne matlab se

kitna rakkha hai muntazir us ne

jaise kapDe koi badalta hai

aise badle hain ham-safar us ne

tolta hai wo pyar daulat se

KHud ko tola nahin magar us ne