pahle to miTTi ka aur pani ka andaza hua

pahle to miTTī kā aur paanī kā andāza huā

phir kahīñ apnī pareshānī kā andāza huā

ai mohabbat tere dukh se dostī āsāñ na thī

tujh sā ho kar terī vīrānī kā andāza huā

umr bhar ham ne fanā ke tajrbe ḳhud par kiye

umr bhar meñ ālam-e-fānī kā andāza huā

ik zamāne tak badan bin ḳhvāb bin ādāb the

phir āchānak apnī uryānī kā andāza huā

tere hāthoñ jal uThe ham tere hāthoñ jal bujhe

hote hote aag aur paanī kā andāza huā

log merī band āñkhoñ meñ se guzre tab unheñ

apnī apnī ḳhvāb-sāmānī kā andāza havā

ek gherā vaqt kā hai dūsrā nā-vaqt kā

ḳhud-nigar kuchh apnī nigarānī kā andāza huā

sūrateñ bigḌīñ to apnī hālatoñ meñ aa.e ham

aa.ina TuuTā to hairānī kā andāza huā

raat ik dahlīz aisī aa ga.ī thī ḳhvāb meñ

raat kuchh kuchh apnī peshānī kā andāza huā

pahle to miTTi ka aur pani ka andaza hua

phir kahin apni pareshani ka andaza hua

ai mohabbat tere dukh se dosti aasan na thi

tujh sa ho kar teri virani ka andaza hua

umr bhar hum ne fana ke tajrbe KHud par kiye

umr bhar mein aalam-e-fani ka andaza hua

ek zamane tak badan bin KHwab bin aadab the

phir aachanak apni uryani ka andaza hua

tere hathon jal uThe hum tere hathon jal bujhe

hote hote aag aur pani ka andaza hua

log meri band aankhon mein se guzre tab unhen

apni apni KHwab-samani ka andaza hawa

ek ghera waqt ka hai dusra na-waqt ka

KHud-nigar kuchh apni nigarani ka andaza hua

suraten bigDin to apni haalaton mein aae hum

aaina TuTa to hairani ka andaza hua

raat ek dahliz aisi aa gai thi KHwab mein

raat kuchh kuchh apni peshani ka andaza hua