pahle to shahr bhar mein misal aaine hue

pahle to shahr bhar meñ misāl aa.ine hue

phir gard se sarāpā savāl aa.ine hue

chehra chhupā.e phirtā hai gahre naqāb meñ

ik shaḳhs ko to lau kī misāl aa.ine hue

ham ko sazā milī ki ujāle the aa.ine

so apnī jaañ pe saarā vabāl aa.ine hue

phir yuuñ huā ki zabt kī sūrat nahīñ rahī

aur shahr-e-be-navā ke ġhazāl aa.ine hue

jin ke sabab se ham hue ma.atūb shahr meñ

ik vaqt aa gayā vo ḳhayāl aa.ine hue

vo dard jī uThā ki garebāñ the taar taar

vo rut umaD paḌī ki nihāl aa.ine hue

pahle to shahr bhar mein misal aaine hue

phir gard se sarapa sawal aaine hue

chehra chhupae phirta hai gahre naqab mein

ek shaKHs ko to lau ki misal aaine hue

hum ko saza mili ki ujale the aaine

so apni jaan pe sara wabaal aaine hue

phir yun hua ki zabt ki surat nahin rahi

aur shahr-e-be-nawa ke ghazal aaine hue

jin ke sabab se hum hue matub shahr mein

ek waqt aa gaya wo KHayal aaine hue

wo dard ji uTha ki gareban the tar tar

wo rut umaD paDi ki nihaal aaine hue