pahle to zikr-e-gardish-e-ayyam aa gaya

pahle to zikr-e-gardish-e-ayyām aa gayā

phir dostoñ ke lab pe mirā naam aa gayā

sūraj kahāñ se aaj sar-e-shām aa gayā

kah kar ye baat koī lab-e-bām aa gayā

hogī kisī ko aish-e-javānī kī kuchh ḳhabar

apne to sar pe muft kā ilzām aa gayā

karnā paḌegā va.ada-e-fardā vafā tumheñ

zid par agar mirā dil-e-nākām aa gayā

shukr-e-husūl-e-dāna kare bhī to kyā kare

vo tā.ir-e-hazīñ jo tah-e-dām aa gayā

pahuñchā thā un kī bazm meñ dil to ba-sad umiid

kyā jaane kis ḳhayāl se nākām aa gayā

sun kar janāb-e-shaiḳh se tauba ke fā.ede

har rind ko ḳhayāl-e-mai-o-jām aa gayā

karnī to thī shikāyat-e-dard-e-jigar mujhe

be-iḳhtiyār lab pe tirā naam aa gayā

ai murġh-e-dil batā to sahī is kā kyā ilaaj

daane se peshtar hī agar daam aa gayā

barbād kar ga.ī tirī pahlī nazar mujhe

āġhāz hī meñ sāmne anjām aa gayā

'sāhir' jo zikr-e-sher-o-suḳhan chhiḌ gayā kahīñ

har shaḳhs kī zabāñ pe tirā naam aa gayā

pahle to zikr-e-gardish-e-ayyam aa gaya

phir doston ke lab pe mera nam aa gaya

suraj kahan se aaj sar-e-sham aa gaya

kah kar ye baat koi lab-e-baam aa gaya

hogi kisi ko aish-e-jawani ki kuchh KHabar

apne to sar pe muft ka ilzam aa gaya

karna paDega wada-e-farda wafa tumhein

zid par agar mera dil-e-nakaam aa gaya

shukr-e-husul-e-dana kare bhi to kya kare

wo tair-e-hazin jo tah-e-dam aa gaya

pahuncha tha un ki bazm mein dil to ba-sad umid

kya jaane kis KHayal se nakaam aa gaya

sun kar janab-e-shaiKH se tauba ke faede

har rind ko KHayal-e-mai-o-jam aa gaya

karni to thi shikayat-e-dard-e-jigar mujhe

be-iKHtiyar lab pe tera nam aa gaya

ai murgh-e-dil bata to sahi is ka kya ilaj

dane se peshtar hi agar dam aa gaya

barbaad kar gai teri pahli nazar mujhe

aaghaz hi mein samne anjam aa gaya

'sahir' jo zikr-e-sher-o-suKHan chhiD gaya kahin

har shaKHs ki zaban pe tera nam aa gaya