pahlu mein main dabae hue dard-o-gham uTha

pahlū meñ maiñ dabā.e hue dard-o-ġham uThā

mahfil se terī jab bhī uThā chashm-e-nam uThā

Thokar se gard-e-rāh aḌī rahnumā banī

manzil kī samt jab bhī hamārā qadam uThā

ab likh de husn-o-ishq kī rangīn dāstāñ

ai shā.ir-e-jadīd uThā phir qalam uThā

sajda qadam qadam pe jo kartā huā chalā

tāzīm ke liye merī ḳhud bhī haram uThā

rindoñ ne ehtirām se sar ko jhukā liyā

mahfil meñ zikr jab bhī kabhī jām-e-jam uThā

us but ne jab bhī khol diye gesū-e-hasīñ

har samt jhuum jhuum ke abr-e-karam uThā

jab be-naqāb aa ga.e 'anvar' ko vo nazar

phir sāmne se parda-e-dair-o-haram uThā

pahlu mein main dabae hue dard-o-gham uTha

mahfil se teri jab bhi uTha chashm-e-nam uTha

Thokar se gard-e-rah aDi rahnuma bani

manzil ki samt jab bhi hamara qadam uTha

ab likh de husn-o-ishq ki rangin dastan

ai shair-e-jadid uTha phir qalam uTha

sajda qadam qadam pe jo karta hua chala

tazim ke liye meri KHud bhi haram uTha

rindon ne ehtiram se sar ko jhuka liya

mahfil mein zikr jab bhi kabhi jam-e-jam uTha

us but ne jab bhi khol diye gesu-e-hasin

har samt jhum jhum ke abr-e-karam uTha

jab be-naqab aa gae 'anwar' ko wo nazar

phir samne se parda-e-dair-o-haram uTha