pahunch kar shab ki sarhad par ujala Dub jata hai

pahuñch kar shab kī sarhad par ujālā Duub jaatā hai

na ho jis kā koī vo be-sahārā Duub jaatā hai

jise gaatā hai koī barbat-e-sad-chāk-dāmāñ par

fazā-e-be-yaqīnī meñ vo naġhma Duub jaatā hai

yahāñ to dil kī bāteñ haiñ hamārā tajraba hai ye

jo sat.h-e-āb par rakhiye to paisa Duub jaatā hai

ta.alluq der se mazbūt kartā hai jaḌeñ apnī

zarā sī chuuk se sadiyoñ kā rishta Duub jaatā hai

tirī yādoñ kī duniyā se kabhī jo duur hotā huuñ

udāsī gher letī hai nazārā Duub jaatā hai

na jaane kyā ho tere shahr meñ ab jā ke dekhūñgā

yahāñ to apnī qismat kā sitāra Duub jaatā hai

ubal paḌtā hai aafat kā kahīñ laavā to phir 'anjum'

ġham-o-andoh meñ mā'sūm chehra Duub jaatā hai

pahunch kar shab ki sarhad par ujala Dub jata hai

na ho jis ka koi wo be-sahaara Dub jata hai

jise gata hai koi barbat-e-sad-chaak-daman par

faza-e-be-yaqini mein wo naghma Dub jata hai

yahan to dil ki baaten hain hamara tajraba hai ye

jo sath-e-ab par rakhiye to paisa Dub jata hai

talluq der se mazbut karta hai jaDen apni

zara si chuk se sadiyon ka rishta Dub jata hai

teri yaadon ki duniya se kabhi jo dur hota hun

udasi gher leti hai nazara Dub jata hai

na jaane kya ho tere shahr mein ab ja ke dekhunga

yahan to apni qismat ka sitara Dub jata hai

ubal paDta hai aafat ka kahin lawa to phir 'anjum'

gham-o-andoh mein ma'sum chehra Dub jata hai