paida kiya hai qalb ne simab ka KHawas

paidā kiyā hai qalb ne sīmāb kā ḳhavās

hāsil na kyoñ ho māhī-e-be-āb kā ḳhavās

royā jo shab ko gauhar-e-dandāñ kī yaad meñ

thā ashk-e-chashm meñ dur-e-nāyāb kā ḳhavās

lā.egā ek roz tumheñ bar meñ khīñch kar

ai dilrubā mire dil-e-betāb kā ḳhavās

ho husn-e-lā-zavāl kā kuchh aur hī kamāl

mahtāb gar bane mire mahtāb kā ḳhavās

zaḳhmoñ ke muñh shigāf hue bū-e-zulf se

rakhtā hai mushk marham-e-tezāb kā ḳhavās

kyūñkar paḌhūñ maiñ āyat-e-sajda jhukā ke sar

abrū ke ḳham meñ hai ḳham-e-mehrāb kā ḳhavās

barham hai us se bosa-e-ruḳhsār kī havas

rakhtī hai zulf mār-e-siyah-tāb kā ḳhavās

o sīm-bar ḳhayāl-e-azāb-e-firāq se

hāsil dil-o-jigar ko hai sīmāb kā ḳhavās

dāman kī tarah chādar-e-gardūñ ho tar abhī

dikhlā.ūñ gar maiñ dīda-e-pur-āb kā ḳhavās

shukr-e-ḳhudā ki bāzū-e-qātil meñ in dinoñ

paidā hai zor-e-rustam-o-suhrāb kā ḳhavās

ham rind tujh ko dekh ke kyūñkar na mast hoñ

āñkhoñ se hai numūd mai-e-nāb kā ḳhavās

aaya jo is meñ phir na huī muḳhlisī nasīb

āġhosh-e-qabr rakhtī hai girdāb kā ḳhavās

hangām-e-qatl gulshan-e-ḳhanjar ke lutf se

har zaḳhm-e-tan meñ thā gul-e-shādāb kā ḳhavās

aate hī fasl-e-gul mujhe behosh kar diyā

hai daur-e-ġham meñ daur-e-mai-e-nāb kā ḳhavās

āñkhoñ ne be-qarārī-e-tifl-e-sarishk se

paidā kiyā hai ma.adan-e-sīmāb kā ḳhavās

tar kījiye na mujh ko rulā kar visāl meñ

hai āstīñ meñ dāman-e-sailāb kā ḳhavās

din ko jo hai visāl to shab ko mafāriqat

hai qalb-e-yār meñ dil-e-surḳhāb kā ḳhavās

ai dil ḳhayāl-e-rū-e-munavvar ke lutf se

raushan hai dāġh-e-jism se mahtāb kā ḳhavās

kartā hai ḳhushk sūrat-e-dāman firāq meñ

har uzv-e-tan ko dīda-e-pur-āb kā ḳhavās

pī leñge ham bhī bazm meñ saaqī ke shauq se

paidā kare tū ashk-e-mai-e-nāb kā ḳhavās

ham ne 'shagufta' us lab-e-shīrīñ ko chuus kar

hāsil kiyā hai lazzat-e-'unnāb kā ḳhavās

paida kiya hai qalb ne simab ka KHawas

hasil na kyon ho mahi-e-be-ab ka KHawas

roya jo shab ko gauhar-e-dandan ki yaad mein

tha ashk-e-chashm mein dur-e-nayab ka KHawas

laega ek roz tumhein bar mein khinch kar

ai dilruba mere dil-e-betab ka KHawas

ho husn-e-la-zawal ka kuchh aur hi kamal

mahtab gar bane mere mahtab ka KHawas

zaKHmon ke munh shigaf hue bu-e-zulf se

rakhta hai mushk marham-e-tezab ka KHawas

kyunkar paDhun main aayat-e-sajda jhuka ke sar

abru ke KHam mein hai KHam-e-mehrab ka KHawas

barham hai us se bosa-e-ruKHsar ki hawas

rakhti hai zulf mar-e-siyah-tab ka KHawas

o sim-bar KHayal-e-azab-e-firaq se

hasil dil-o-jigar ko hai simab ka KHawas

daman ki tarah chadar-e-gardun ho tar abhi

dikhlaun gar main dida-e-pur-ab ka KHawas

shukr-e-KHuda ki bazu-e-qatil mein in dinon

paida hai zor-e-rustam-o-suhrab ka KHawas

hum rind tujh ko dekh ke kyunkar na mast hon

aankhon se hai numud mai-e-nab ka KHawas

aaya jo is mein phir na hui muKHlisi nasib

aaghosh-e-qabr rakhti hai girdab ka KHawas

hangam-e-qatl gulshan-e-KHanjar ke lutf se

har zaKHm-e-tan mein tha gul-e-shadab ka KHawas

aate hi fasl-e-gul mujhe behosh kar diya

hai daur-e-gham mein daur-e-mai-e-nab ka KHawas

aankhon ne be-qarari-e-tifl-e-sarishk se

paida kiya hai madan-e-simab ka KHawas

tar kijiye na mujh ko rula kar visal mein

hai aastin mein daman-e-sailab ka KHawas

din ko jo hai visal to shab ko mafariqat

hai qalb-e-yar mein dil-e-surKHab ka KHawas

ai dil KHayal-e-ru-e-munawwar ke lutf se

raushan hai dagh-e-jism se mahtab ka KHawas

karta hai KHushk surat-e-daman firaq mein

har uzw-e-tan ko dida-e-pur-ab ka KHawas

pi lenge hum bhi bazm mein saqi ke shauq se

paida kare tu ashk-e-mai-e-nab ka KHawas

hum ne 'shagufta' us lab-e-shirin ko chus kar

hasil kiya hai lazzat-e-'unnab ka KHawas