paiham ek iztirab ajab KHushk-o-tar mein tha

paiham ik iztirāb ajab ḳhushk-o-tar meñ thā

maiñ ghar meñ aa rukā thā mirā ghar safar meñ thā

kyā raushnī thī jis ko ye āñkheñ taras ga.iiñ

kyā aag thī ki jis kā dhuāñ mere sar meñ thā

bas ek dhuñd ḳhvāboñ kī fikr-o-ḳhayāl meñ

bas ek lams dard kā shām-o-sahar meñ thā

har ahd ko sameTe hue chal rahā thā maiñ

nādīda sā.atoñ kā ujālā nazar meñ thā

har lamha thā talāsh kī sadiyāñ liye hue

merī baqā kā raaz hī ilm-o-ḳhabar meñ thā

paiham ek iztirab ajab KHushk-o-tar mein tha

main ghar mein aa ruka tha mera ghar safar mein tha

kya raushni thi jis ko ye aankhen taras gain

kya aag thi ki jis ka dhuan mere sar mein tha

bas ek dhund KHwabon ki fikr-o-KHayal mein

bas ek lams dard ka sham-o-sahar mein tha

har ahd ko sameTe hue chal raha tha main

nadida saaton ka ujala nazar mein tha

har lamha tha talash ki sadiyan liye hue

meri baqa ka raaz hi ilm-o-KHabar mein tha