pairahan jism pe aur munh mein niwala hota

pairahan jism pe aur muñh meñ nivālā hotā

kaash har shaḳhs ke āñgan meñ ujālā hotā

chhoḌ kar shāḳh na jaate ye parinde shāyad

pyaar se ham ne agar un ko sañbhālā hotā

rābta toḌ diyā ek hī jhaTke meñ kyoñ

guftugū kar ke koī hal to nikālā hotā

itne rishtoñ ko bikharne se bachā sakte the

kaash is pal ko kisī tarah to Taalā hotā

mil ke rahte jo mohabbat se sabhī gul is meñ

phir to gulshan kā nazāra hī nirālā hotā

kho chuke hote udāsī ke samundar meñ ham

ḳhud ko gar vaqt ke sāñche meñ na Dhālā hotā

ham bhī auroñ kī tarah vaqt pe sote 'madhuman'

rog ham ne jo suḳhan kā nahīñ paalā hotā

pairahan jism pe aur munh mein niwala hota

kash har shaKHs ke aangan mein ujala hota

chhoD kar shaKH na jate ye parinde shayad

pyar se hum ne agar un ko sanbhaala hota

rabta toD diya ek hi jhaTke mein kyon

guftugu kar ke koi hal to nikala hota

itne rishton ko bikharne se bacha sakte the

kash is pal ko kisi tarah to Tala hota

mil ke rahte jo mohabbat se sabhi gul is mein

phir to gulshan ka nazara hi nirala hota

kho chuke hote udasi ke samundar mein hum

KHud ko gar waqt ke sanche mein na Dhaala hota

hum bhi auron ki tarah waqt pe sote 'madhuman'

rog hum ne jo suKHan ka nahin pala hota