pal bhar ko jis mein chain na aae chhoD do us kashane ko

pal bhar ko jis meñ chain na aa.e chhoḌ do us kāshāne ko

gulshan hī jab ki raas nahīñ ābād karo vīrāne ko

hijr kī raat thī itnī lambī kaaTe se naañ kaTtī thī

ġham kī jot jagā.ī maiñ ne is dil ke bahlāne ko

kyā kyā ne.amat baḳhshī hai us pyāre ne ye mat pūchho

dard diyā kuchh daaġh diye aur ashk diye pī jaane ko

koī to ta.abīr batā.e ḳhvāb ik maiñ ne dekhā hai

masjid ko sab riñd chale aur shaiḳh chale maiḳhāne ko

āñdhī aur tūfān bhī is ko rok sake na rāhoñ meñ

duur se aayā hai parvāna sham.a hī par miT jaane ko

ūñchī nīchī tirchhī TeḌhī sab rāheñ jo dekh chukā

kaun aa kar samjhā.egā ab is 'rājas' dīvāne ko

pal bhar ko jis mein chain na aae chhoD do us kashane ko

gulshan hi jab ki ras nahin aabaad karo virane ko

hijr ki raat thi itni lambi kaTe se nan kaTti thi

gham ki jot jagai main ne is dil ke bahlane ko

kya kya neamat baKHshi hai us pyare ne ye mat puchho

dard diya kuchh dagh diye aur ashk diye pi jaane ko

koi to tabir batae KHwab ek main ne dekha hai

masjid ko sab rind chale aur shaiKH chale maiKHane ko

aandhi aur tufan bhi is ko rok sake na rahon mein

dur se aaya hai parwana shama hi par miT jaane ko

unchi nichi tirchhi TeDhi sab rahen jo dekh chuka

kaun aa kar samjhaega ab is 'rajas' diwane ko