pankh hi kafi nahin parwaz ko

pankh hī kaafī nahīñ parvāz ko

toḌnā hogā qafas bhī baaz ko

sach kaho to kaaT dete haiñ zabāñ

hausla bhī chāhiye āvāz ko

tāliyāñ jhūTī bajeñ to kyā maza

ho hunar to hī bajāo saaz ko

tum bharosa aur dil mat toḌnā

raaz rakkho tum sabhī ke raaz ko

jo milā ham ko usī meñ ḳhush raheñ

duur rakkheñ ḳhud se hirs-o-āz ko

ittifāqan 'ishq un se ho gayā

kaise samjhā.eñ dil-e-nā-sāz ko

paḌh ke 'ġhālib' 'mīr' kī ġhazleñ 'amit'

shā'irī ke tū samajh andāz ko

pankh hi kafi nahin parwaz ko

toDna hoga qafas bhi baz ko

sach kaho to kaT dete hain zaban

hausla bhi chahiye aawaz ko

taliyan jhuTi bajen to kya maza

ho hunar to hi bajao saz ko

tum bharosa aur dil mat toDna

raaz rakkho tum sabhi ke raaz ko

jo mila hum ko usi mein KHush rahen

dur rakkhen KHud se hirs-o-az ko

ittifaqan 'ishq un se ho gaya

kaise samjhaen dil-e-na-saz ko

paDh ke 'ghaalib' 'mir' ki ghazlen 'amit'

sha'iri ke tu samajh andaz ko