pankh katar kar mujhko dilbar phenk diya

pankh katar kar mujh ko dilbar pheñk diyā

ambar se dhartī pe lā kar pheñk diyā

maiñ to thā ābād nasheman par tum ne

ziist ko merī kar ke banjar pheñk diyā

apne aap ko raushan kar ke phir us ne

tiilī sā mujh ko sulgā kar pheñk diyā

jholī phailā.ī phūloñ kī ḳhvāhish meñ

merī samt uThā kar patthar pheñk diyā

pahle pyaar jatāyā mujh par ḳhuub us ne

phir zālim ne mujh par ḳhanjar pheñk diyā

aap kī izzat kī ḳhātir dekho ham ne

apne sar kā taaj zamīñ par pheñk diyā

pankh katar kar mujh ko dilbar phenk diya

ambar se dharti pe la kar phenk diya

main to tha aabaad nasheman par tum ne

zist ko meri kar ke banjar phenk diya

apne aap ko raushan kar ke phir us ne

tili sa mujh ko sulga kar phenk diya

jholi phailai phulon ki KHwahish mein

meri samt uTha kar patthar phenk diya

pahle pyar jataya mujh par KHub us ne

phir zalim ne mujh par KHanjar phenk diya

aap ki izzat ki KHatir dekho hum ne

apne sar ka taj zamin par phenk diya