papoTe nind se bhaari dikhai dete hain

papoTe niiñd se bhārī dikhā.ī dete haiñ

qadam qadam pe shikārī dikhā.ī dete haiñ

ḳhizāñ ne kar diyā muhtāj patte pate ko

daraḳht haare juārī dikhā.ī dete haiñ

vazīr saare mire bādshāh salāmat ke

samajh se soch se aarī dikhā.ī dete haiñ

miyāñ ye ishq hai luqmān kī nahīñ suntā

ye dil ke zaḳhm to kaarī dikhā.ī dete haiñ

umūr-e-kār-e-jahāñ par ġhulām qābiz haiñ

ye hukmrān bhikārī dikhā.ī dete haiñ

vagarna din meñ sitāroñ kā koī kaam nahīñ

mire havās pe taarī dikhā.ī dete haiñ

sivā.e khel-tamāshoñ ke aur kuchh bhī nahīñ

hameñ to aap madārī dikhā.ī dete haiñ

ye tahsīl aur kachahrī meñ arziyoñ vaale

kabhī kabhī to likhārī dikhā.ī dete haiñ

papoTe nind se bhaari dikhai dete hain

qadam qadam pe shikari dikhai dete hain

KHizan ne kar diya muhtaj patte pate ko

daraKHt haare juari dikhai dete hain

wazir sare mere baadshah salamat ke

samajh se soch se aari dikhai dete hain

miyan ye ishq hai luqman ki nahin sunta

ye dil ke zaKHm to kari dikhai dete hain

umur-e-kar-e-jahan par ghulam qabiz hain

ye hukmran bhikari dikhai dete hain

wagarna din mein sitaron ka koi kaam nahin

mere hawas pe tari dikhai dete hain

siwae khel-tamashon ke aur kuchh bhi nahin

hamein to aap madari dikhai dete hain

ye tahsil aur kachahri mein arziyon wale

kabhi kabhi to likhaari dikhai dete hain