pardes mein hun aur ghani tirgi to hai

pardes meñ huuñ aur ghanī tīrgī to hai

par mutma.in huuñ raat tire shahr kī to hai

dhartī pe aa raheñgī abhī sab bulandiyāñ

chaTTān dhīre dhīre khisakne lagī to hai

is kā to ġham nahīñ ki muḳhālif sabhī hue

chubhtī huī sī baat bhī ham ne kahī to hai

phailā ke haath pair na so jaa.e chāñdnī

sāhil hai rut javān hai aur raat bhī to hai

kholo na khiḌkiyāñ ki saverā nahīñ huā

bujhte hue diye haiñ abhī raushnī to hai

tanhā.ī meñ ye kaun hai chauñkā gayā mujhe

vo aadmī nahīñ na sahī par koī to hai

pardes mein hun aur ghani tirgi to hai

par mutmain hun raat tere shahr ki to hai

dharti pe aa rahengi abhi sab bulandiyan

chaTTan dhire dhire khisakne lagi to hai

is ka to gham nahin ki muKHalif sabhi hue

chubhti hui si baat bhi hum ne kahi to hai

phaila ke hath pair na so jae chandni

sahil hai rut jawan hai aur raat bhi to hai

kholo na khiDkiyan ki sawera nahin hua

bujhte hue diye hain abhi raushni to hai

tanhai mein ye kaun hai chaunka gaya mujhe

wo aadmi nahin na sahi par koi to hai