pareshan hun tera chehra bhulaya bhi nahin jata
pareshāñ huuñ tirā chehra bhulāyā bhī nahīñ jaatā
kisī se hāl-e-dil apnā sunāyā bhī nahīñ jaatā
vo aa jaa.e to ye bhī kah nahīñ saktā Thahar jaao
agar vo jā rahā ho to bulāyā bhī nahīñ jaatā
zabāñ ḳhāmosh rahtī hai par āñkheñ bol detī haiñ
in āñkhoñ se to rāz-e-dil chhupāyā bhī nahīñ jaatā
sabhī 'imrran' kī sūrat nahīñ hote haiñ duniyā meñ
har ik insān ko dil meñ basāyā bhī nahīñ jaatā
koī tāqat mujhe marne nahīñ detī hai ai 'sāgar'
maiñ marnā chāhtā huuñ zahr khāyā bhī nahīñ jaatā
pareshan hun tera chehra bhulaya bhi nahin jata
kisi se haal-e-dil apna sunaya bhi nahin jata
wo aa jae to ye bhi kah nahin sakta Thahar jao
agar wo ja raha ho to bulaya bhi nahin jata
zaban KHamosh rahti hai par aankhen bol deti hain
in aankhon se to raaz-e-dil chhupaya bhi nahin jata
sabhi 'imrran' ki surat nahin hote hain duniya mein
har ek insan ko dil mein basaya bhi nahin jata
koi taqat mujhe marne nahin deti hai ai 'sagar'
main marna chahta hun zahr khaya bhi nahin jata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
