parwaz ki KHwahish ne zamin ka nahin rakkha

parvāz kī ḳhvāhish ne zamīñ kā nahīñ rakkhā

ik shaḳhs ko daulat ne kahīñ kā nahīñ rakkhā

ghar-bār bhī us kā to yahīñ thā magar afsos

andāz-e-takallum ne yahīñ kā nahīñ rakkhā

palkoñ pe hai rakkhā jise ik 'umr sajā kar

ham logoñ ko us ne hī kahīñ kā nahīñ rakkhā

jis ḳhaak se uTThā thā dhuāñ tez-ravī se

us ḳhaak ne us ko to vahīñ kā nahīñ rakkhā

rakhnā thā jise saiñt ke rakkhā nahīñ ham ne

'ādat ne na rakhne kī kahīñ kā nahīñ rakkhā

ye ḳhāk-nashīnī bhī 'ajab chiiz hai 'dānish'

arbāb-e-hukūmat ko kahīñ kā nahīñ rakkhā

parwaz ki KHwahish ne zamin ka nahin rakkha

ek shaKHs ko daulat ne kahin ka nahin rakkha

ghar-bar bhi us ka to yahin tha magar afsos

andaz-e-takallum ne yahin ka nahin rakkha

palkon pe hai rakkha jise ek 'umr saja kar

hum logon ko us ne hi kahin ka nahin rakkha

jis KHak se uTTha tha dhuan tez-rawi se

us KHak ne us ko to wahin ka nahin rakkha

rakhna tha jise saint ke rakkha nahin hum ne

'adat ne na rakhne ki kahin ka nahin rakkha

ye KHak-nashini bhi 'ajab chiz hai 'danish'

arbab-e-hukumat ko kahin ka nahin rakkha