pas-e-hisar-e-KHabar aati jati rahti hai

pas-e-hisār-e-ḳhabar aatī jaatī rahtī hai

havā idhar se udhar aatī jaatī rahtī hai

parind lauT bhī aa.eñ ḳhalā se shāḳhoñ par

ki fasl-e-barq-o-sharar aatī jaatī rahtī hai

yahāñ bhī dil meñ diye jalte-bujhte rahte haiñ

hamāre ghar bhī sahar aatī jaatī rahtī hai

ġhubār meñ koī nāqa-savār ho shāyad

so rāste pe nazar aatī jaatī rahtī hai

du'ā karo ki salāmat rahe shajar kā badan

bahār-e-barg-o-samar aatī jaatī rahtī hai

pas-e-hisar-e-KHabar aati jati rahti hai

hawa idhar se udhar aati jati rahti hai

parind lauT bhi aaen KHala se shaKHon par

ki fasl-e-barq-o-sharar aati jati rahti hai

yahan bhi dil mein diye jalte-bujhte rahte hain

hamare ghar bhi sahar aati jati rahti hai

ghubar mein koi naqa-sawar ho shayad

so raste pe nazar aati jati rahti hai

du'a karo ki salamat rahe shajar ka badan

bahaar-e-barg-o-samar aati jati rahti hai