pas-e-sham-e-alam kisi mahr-e-nigah ko dekhte the

pas-e-shām-e-alam kisī mahr-e-nigāh ko dekhte the

vo log kahāñ mire hāl-e-tabāh ko dekhte the

jis din sailāb-e-balā aayā thā rāhoñ meñ

ham bhī sar-e-rāh hazīmat-e-kāh ko dekhte the

ye log jo aaj hue phir sāhab-e-mansab-o-jāh

ye log kahāñ kisī mansab-o-jāh ko dekhte the

ik jashn-e-masarrat pesh-e-bahīr thā us din bhī

sab sākit ho ke shikoh-e-sipāh ko dekhte the

mire shaah kī āñkheñ pathrā.ī huī lagtī thiiñ

aur dekhne vaale auj-e-kulāh ko dekhte the

āñkhoñ meñ ujālā phail gayā thā 'yūsuf' kā

ham chaah ko dekhte the kabhī raah ko dekhte the

pas-e-sham-e-alam kisi mahr-e-nigah ko dekhte the

wo log kahan mere haal-e-tabah ko dekhte the

jis din sailab-e-bala aaya tha rahon mein

hum bhi sar-e-rah hazimat-e-kah ko dekhte the

ye log jo aaj hue phir sahab-e-mansab-o-jah

ye log kahan kisi mansab-o-jah ko dekhte the

ek jashn-e-masarrat pesh-e-bahir tha us din bhi

sab sakit ho ke shikoh-e-sipah ko dekhte the

mere shah ki aankhen pathrai hui lagti thin

aur dekhne wale auj-e-kulah ko dekhte the

aankhon mein ujala phail gaya tha 'yusuf' ka

hum chah ko dekhte the kabhi rah ko dekhte the