pata mila hai wo tha mera ham-safar bahut der baad ja kar

pata milā hai vo thā merā ham-safar bahut der ba.ad jā kar

kahāñ kahāñ se milī hai mujh ko ḳhabar bahut der ba.ad jā kar

maiñ muddatoñ saqf-e-zindagī par khaḌe khaḌe tum ko dekh aayā

ye tum bhī kyā ho ki aa.e mujh ko nazar bahut der ba.ad jā kar

mirī tamannā hai ab ke tum phir milo to jī bhar ke muskurā.eñ

ki dekhnā hai ye raushnī kā safar bahut der ba.ad jā kar

mujhe batāo maiñ kyuuñ na is uThtī dhuul ke saath baiTh jā.ūñ

mujhe ḳhabar hai vo aa.egā baam par bahut der ba.ad jā kar

ḳharāb mausam meñ har shajar se larazte pattoñ ne kyā kahā thā

ki phuul aane lage haiñ ab shāḳh par bahut der ba.ad jā kar

qayāmatoñ kī tarah guzāreñge ye mah-o-sāl hijratoñ ke

tamām hogā judā.iyoñ kā safar bahut der ba.ad jā kar

mirī ġhazal meñ jab aa.e 'ja.afar' nazar unheñ ma.arke hunar ke

hue mire mo'tarif sab ahl-e-nazar bahut der ba.ad jā kar

pata mila hai wo tha mera ham-safar bahut der baad ja kar

kahan kahan se mili hai mujh ko KHabar bahut der baad ja kar

main muddaton saqf-e-zindagi par khaDe khaDe tum ko dekh aaya

ye tum bhi kya ho ki aae mujh ko nazar bahut der baad ja kar

meri tamanna hai ab ke tum phir milo to ji bhar ke muskuraen

ki dekhna hai ye raushni ka safar bahut der baad ja kar

mujhe batao main kyun na is uThti dhul ke sath baiTh jaun

mujhe KHabar hai wo aaega baam par bahut der baad ja kar

KHarab mausam mein har shajar se larazte patton ne kya kaha tha

ki phul aane lage hain ab shaKH par bahut der baad ja kar

qayamaton ki tarah guzarenge ye mah-o-sal hijraton ke

tamam hoga judaiyon ka safar bahut der baad ja kar

meri ghazal mein jab aae 'jafar' nazar unhen marke hunar ke

hue mere mo'tarif sab ahl-e-nazar bahut der baad ja kar