pata mujhko hai pahle se use inkar karna hai

patā mujh ko hai pahle se use inkār karnā hai

tasallī ke liye mujh ko magar iz.hār karnā hai

koī ta.avīz mil jaa.e ki ye ichhā kare puurī

bahut vo duur hai lekin mujhe dīdār karnā hai

irāda kyā hai merī jaañ bahut nazdīk baiThī ho

qatl karnā hai yā ham do ko do se chaar karnā hai

nazar un se ye sunday ko bāġhīche meñ milī aisī

ki ab hafte ke har din ko mujhe itvār karnā hai

sitam karne ko baiThī hai magar koī use kah do

abhī kachchā hai dil is ko zarā tayyār karnā hai

mirī kashtī ko lahreñ toḌ baiThī haiñ to ab mujh ko

kināre par khaḌe ho kar samundar paar karnā hai

pata mujh ko hai pahle se use inkar karna hai

tasalli ke liye mujh ko magar izhaar karna hai

koi tawiz mil jae ki ye ichha kare puri

bahut wo dur hai lekin mujhe didar karna hai

irada kya hai meri jaan bahut nazdik baiThi ho

qatl karna hai ya hum do ko do se chaar karna hai

nazar un se ye sunday ko baghiche mein mili aisi

ki ab hafte ke har din ko mujhe itwar karna hai

sitam karne ko baiThi hai magar koi use kah do

abhi kachcha hai dil is ko zara tayyar karna hai

meri kashti ko lahren toD baiThi hain to ab mujh ko

kinare par khaDe ho kar samundar par karna hai