paTriyon par koi qabristan banwae gae

paTriyoñ par koī qabristān banvā.e ga.e

rail kī khiḌkī meñ kitne ḳhvāb dafnā.e ga.e

TimTimā kar kuchh sitāre yuuñ pukāre baat sun

jāntā hai kitne taare bulb se khaa.e ga.e

jin chhatoñ par hote the kal tak manāzir vasl ke

aaj un par ḳhud-kushī karte javāñ paa.e ga.e

chashm-e-bīnā ne jahāñ meñ kyā nahīñ dekhā miyāñ

chaltī phirtī qabr par bhī phuul barsā.e ga.e

har kisī ke ghar pe Tankī nasab hai paanī kī par

qatra qatra aab ko ghar vaale tarsā.e ga.e

āsmāñ ke kaale jangal meñ thiiñ jitnī vahshateñ

duur karne ke liye ye diip jalvā.e ga.e

pattharoñ kā shahr dikhtā hai ye dariyā hotā thā

is qadar patthar hamāre dil pe barsā.e ga.e

paTriyon par koi qabristan banwae gae

rail ki khiDki mein kitne KHwab dafnae gae

TimTima kar kuchh sitare yun pukare baat sun

jaanta hai kitne tare bulb se khae gae

jin chhaton par hote the kal tak manazir wasl ke

aaj un par KHud-kushi karte jawan pae gae

chashm-e-bina ne jahan mein kya nahin dekha miyan

chalti phirti qabr par bhi phul barsae gae

har kisi ke ghar pe Tanki nasab hai pani ki par

qatra qatra aab ko ghar wale tarsae gae

aasman ke kale jangal mein thin jitni wahshaten

dur karne ke liye ye dip jalwae gae

pattharon ka shahr dikhta hai ye dariya hota tha

is qadar patthar hamare dil pe barsae gae