patthar hai ye kabhi kabhi shisha hai aadmi

patthar hai ye kabhī kabhī shīsha hai aadmī

hai jo ba'īd-e-'aql mu'ammā hai aadmī

sub.h-o-masā talab meñ bhaTaktā hai aadmī

kab rāz-e-kā.enāt ko samjhā hai aadmī

pahle kare to nāma-e-ā'māl ḳhushnumā

jannat kī aarzū meñ to martā hai aadmī

pāmālī-e-zamīr pe rotā hai ḳhūn-e-dil

jab bhī kisī nazar se utartā hai aadmī

rishta huā shikasta muravvat na kuchh lihāz

ābādiyoñ ke shahr meñ tanhā hai aadmī

paatā hai sarfarāziyāñ rabb-e-jalīl se

ai 'shād' jab sujūd meñ jhuktā hai aadmī

patthar hai ye kabhi kabhi shisha hai aadmi

hai jo ba'id-e-'aql mu'amma hai aadmi

subh-o-masa talab mein bhaTakta hai aadmi

kab raaz-e-kaenat ko samjha hai aadmi

pahle kare to nama-e-a'mal KHushnuma

jannat ki aarzu mein to marta hai aadmi

pamali-e-zamir pe rota hai KHun-e-dil

jab bhi kisi nazar se utarta hai aadmi

rishta hua shikasta murawwat na kuchh lihaz

aabaadiyon ke shahr mein tanha hai aadmi

pata hai sarfaraaziyan rabb-e-jalil se

ai 'shad' jab sujud mein jhukta hai aadmi