patthar ki nind soti hai basti jagaiye

patthar kī niiñd sotī hai bastī jagā.iye

āb-e-hayāt sā koī e.ajāz lā.iye

jal jā.iye maqām pe apne misāl-e-sham.a

apne badan kī lau se na ghar ko jalā.iye

ik nahr kāTiye kabhī siine se chāñd ke

dāmān-e-shab meñ nuur kā dhārā bahā.iye

aa to ga.e haiñ aap ḳharīdār kī tarah

kuchh tan ko ḳharch kījiye jaañ ko bhunā.iye

jin ke dhueñ se phailtī hai āfiyat kī lau

aise bhī kuchh charāġh sar-e-shab jalā.iye

ābād kījiye isī ghar meñ junūñ ko aap

is ghar meñ kyā nahīñ hai jo sahrā ko jā.iye

phūTā hai jis se raat ke siine meñ māhtāb

ik biij aisā zulmat-e-dil meñ ugā.iye

chāhat meñ un kī biit ga.ī zindagī 'samad'

ḳhud ko bhī pyaar kījiye ḳhud ko bhī chāhiye

patthar ki nind soti hai basti jagaiye

aab-e-hayat sa koi eajaz laiye

jal jaiye maqam pe apne misal-e-shama

apne badan ki lau se na ghar ko jalaiye

ek nahr kaTiye kabhi sine se chand ke

daman-e-shab mein nur ka dhaara bahaiye

aa to gae hain aap KHaridar ki tarah

kuchh tan ko KHarch kijiye jaan ko bhunaiye

jin ke dhuen se phailti hai aafiyat ki lau

aise bhi kuchh charagh sar-e-shab jalaiye

aabaad kijiye isi ghar mein junun ko aap

is ghar mein kya nahin hai jo sahra ko jaiye

phuTa hai jis se raat ke sine mein mahtab

ek bij aisa zulmat-e-dil mein ugaiye

chahat mein un ki bit gai zindagi 'samad'

KHud ko bhi pyar kijiye KHud ko bhi chahiye