patthar pe KHarashen Dalte hain
patthar pe ḳharāsheñ Dālte haiñ
nāḳhun āsebī ḳhaliye haiñ
ik vāhima hai sad jism liye
mujh meñ nādīda saa.e haiñ
āñkhoñ kī barahna lāshoñ par
nazzāre ḳhuun chhiḌakte haiñ
ye botīqā hai vahshat kī
yā dād-garī ke hiile haiñ
dil ke afsurda hāthoñ meñ
banjar rūhoñ ke naqshe haiñ
ye kis kā naam liyā dil ne
āñkhoñ meñ chāñd utarte haiñ
kuchh kaliyāñ āñkheñ kholtī haiñ
kuchh phuul judā ho jaate haiñ
patthar pe KHarashen Dalte hain
naKHun aasebi KHaliye hain
ek wahima hai sad jism liye
mujh mein nadida sae hain
aankhon ki barahna lashon par
nazzare KHun chhiDakte hain
ye botiqa hai wahshat ki
ya dad-gari ke hile hain
dil ke afsurda hathon mein
banjar ruhon ke naqshe hain
ye kis ka nam liya dil ne
aankhon mein chand utarte hain
kuchh kaliyan aankhen kholti hain
kuchh phul juda ho jate hain
- Book : Jism Ka Bartan Sard Pada Hai (Pg. 92)
- Author : Ameer Hamza Saqib
- Publication : Rekhta Publications (2019)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
