patton ka dukh khoj rahe ho uDne wale panchhi mein
pattoñ kā dukh khoj rahe ho uḌne vaale panchhī meñ
aañsū to pal-bhar kā musāfir palkoñ kī is kashtī meñ
har chehre meñ terā chehra DhūñD ke tujh ko kho baiThe
ghar kā rasta bhuul ga.e ham ghar aane kī jaldī meñ
ik ik ghar ke naam aur number pūchh ke din bhī Duub chalā thā
beloñ ke saa.e ke pīchhe shaam khaḌī thī khiḌkī meñ
vo titlī thī diye kī lau ko phuul samajh kar baiTh ga.ī
jab chāñdī se baal nazar aa.e bachchī ko kanghī meñ
vo an-paḌh thā phir bhī us ne paḌhe likhe logoñ se kahā
ik tasvīr ka.ī ḳhat bhī haiñ sāhib aap kī raddī meñ
be-mausam āñkhoñ kī badlī ham ko nahīñ achchhī lagtī hai
dhuāñ dhuāñ ghar ho jaatā hai sāvan kī giilī lakḌī meñ
aa mere siine par sar rakh apne kaan se sun paglī
mere bhagvan bol rahe haiñ man mandir kī ghanTī meñ
patton ka dukh khoj rahe ho uDne wale panchhi mein
aansu to pal-bhar ka musafir palkon ki is kashti mein
har chehre mein tera chehra DhunD ke tujh ko kho baiThe
ghar ka rasta bhul gae hum ghar aane ki jaldi mein
ek ek ghar ke nam aur number puchh ke din bhi Dub chala tha
belon ke sae ke pichhe sham khaDi thi khiDki mein
wo titli thi diye ki lau ko phul samajh kar baiTh gai
jab chandi se baal nazar aae bachchi ko kanghi mein
wo an-paDh tha phir bhi us ne paDhe likhe logon se kaha
ek taswir kai KHat bhi hain sahib aap ki raddi mein
be-mausam aankhon ki badli hum ko nahin achchhi lagti hai
dhuan dhuan ghar ho jata hai sawan ki gili lakDi mein
aa mere sine par sar rakh apne kan se sun pagli
mere bhagwan bol rahe hain man mandir ki ghanTi mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.