phaile hue ghubar ka phir moajiza bhi dekh

phaile hue ġhubār kā phir mo.ajiza bhī dekh

raste se jo bhaTak gayā vo qāfila bhī dekh

maiñ ne to āsmān ko Thokar pe rakh liyā

zarre meñ kā.enāt kā ye zāviya bhī dekh

kab tak tū saare shahr ko baunā batā.egā

ḳhud par bhī kar nigāh kabhī ā.īna bhī dekh

mere laboñ pe dekh na tū ḳhāmushī kī mohr

tū apnī harkatoñ kā zarā silsila bhī dekh

shahr-e-anā meñ aa.ine ke rū-ba-rū huuñ maiñ

ehsās kī nazar se mirā hausla bhī dekh

'ālam' na.e jahān kī satvat bayān kar

sadiyoñ se jis pe nuur hai vo rāsta bhī dekh

phaile hue ghubar ka phir moajiza bhi dekh

raste se jo bhaTak gaya wo qafila bhi dekh

main ne to aasman ko Thokar pe rakh liya

zarre mein kaenat ka ye zawiya bhi dekh

kab tak tu sare shahr ko bauna bataega

KHud par bhi kar nigah kabhi aaina bhi dekh

mere labon pe dekh na tu KHamushi ki mohr

tu apni harkaton ka zara silsila bhi dekh

shahr-e-ana mein aaine ke ru-ba-ru hun main

ehsas ki nazar se mera hausla bhi dekh

'alam' nae jahan ki satwat bayan kar

sadiyon se jis pe nur hai wo rasta bhi dekh