phir bahaar aai mere sayyaad ko parwa nahin

phir bahār aa.ī mire sayyād ko parvā nahīñ

uḌ ke maiñ pahuñchūñ chaman meñ kyā karūñ par vā nahīñ

jī jalā kar ek bosa māñgte haiñ baar se

aage yā qismat vo dekheñ haañ kare hai yā nahīñ

hasrat o hirmān o yaas o hairat rañj o ta.ab

kyā kahūñ is hijr meñ kyā kyā hai aur kyā kyā nahīñ

har kisī se lag chale kyā zikr hai imkān kyā

ham use pahchānte haiñ ḳhuub vo aisā nahīñ

chaar unsur kī ġhazal 'rañgīñ' kaho tum dūsrī

hai qasam tum ko alī-jī kī ye mat kahnā nahīñ

phir bahaar aai mere sayyaad ko parwa nahin

uD ke main pahunchun chaman mein kya karun par wa nahin

ji jala kar ek bosa mangte hain bar se

aage ya qismat wo dekhen han kare hai ya nahin

hasrat o hirman o yas o hairat ranj o tab

kya kahun is hijr mein kya kya hai aur kya kya nahin

har kisi se lag chale kya zikr hai imkan kya

hum use pahchante hain KHub wo aisa nahin

chaar unsur ki ghazal 'rangin' kaho tum dusri

hai qasam tum ko ali-ji ki ye mat kahna nahin