phir gudaz-e-ishq se jalne lage dagh-e-nihan

phir gudāz-e-ishq se jalne lage dāġh-e-nihāñ

aaj phir jashn-e-charāġhāñ hai bayād-e-dil-barāñ

raat yuuñ rah-rah ke dil meñ terī yaad aatī rahī

der tak uThtā rahā jaise charāġhoñ se dhuāñ

duur sang-o-ḳhisht meñ hai zindagī kī aarzū

pattharoñ ke shahr meñ ho jaise shīshe kā makāñ

mahv-e-hairat huuñ ye maiḳhāne meñ kaisā daur hai

jām-e-mai bhī ḳhūñ-chakāñ aur zindagī bhī ḳhūñ-chakāñ

bandisheñ qānūn zulm-o-jaur maz.hab sīm-o-zar

kitnī dīvāreñ haiñ haa.il do diloñ ke darmiyāñ

zindagī kī saḳhtiyoñ se ham na āzurda hue

dil ko ghāyal kar ga.iiñ lekin nigah kī narmiyāñ

phir gudaz-e-ishq se jalne lage dagh-e-nihan

aaj phir jashn-e-charaghan hai bayaad-e-dil-baran

raat yun rah-rah ke dil mein teri yaad aati rahi

der tak uThta raha jaise charaghon se dhuan

dur sang-o-KHisht mein hai zindagi ki aarzu

pattharon ke shahr mein ho jaise shishe ka makan

mahw-e-hairat hun ye maiKHane mein kaisa daur hai

jam-e-mai bhi KHun-chakan aur zindagi bhi KHun-chakan

bandishen qanun zulm-o-jaur mazhab sim-o-zar

kitni diwaren hain hail do dilon ke darmiyan

zindagi ki saKHtiyon se hum na aazurda hue

dil ko ghayal kar gain lekin nigah ki narmiyan