phir hum ko ehtiyat se chalna bhi aa gaya
phir ham ko ehtiyāt se chalnā bhī aa gayā
Thokar lagī gire to sambhalnā bhī aa gayā
sahme hue haiñ kachche makānoñ ke bām-o-dar
ab gaañv kī nadī ko ubalnā bhī aa gayā
añgḌā.ī lī chaman meñ jo fasl-e-bahār ne
sūkhe shajar ko phūlnā-phalnā bhī aa gayā
Daalā gayā jo tel to lau tez ho ga.ī
bujhte hue charāġh ko jalnā bhī aa gayā
ghar lauTe ham safar se khilaune liye hue
bachchoñ ko ab ḳhushī se uchhalnā bhī aa gayā
thī muddatoñ jo chhā.ī huī mujh pe be-hisī
dekhā tumheñ to dil ko machalnā bhī aa gayā
'sābir' mire liye the jo dushvār rāste
un rāstoñ pe ab mujhe chalnā bhī aa gayā
phir hum ko ehtiyat se chalna bhi aa gaya
Thokar lagi gire to sambhalna bhi aa gaya
sahme hue hain kachche makanon ke baam-o-dar
ab ganw ki nadi ko ubalna bhi aa gaya
angDai li chaman mein jo fasl-e-bahaar ne
sukhe shajar ko phulna-phalna bhi aa gaya
Dala gaya jo tel to lau tez ho gai
bujhte hue charagh ko jalna bhi aa gaya
ghar lauTe hum safar se khilaune liye hue
bachchon ko ab KHushi se uchhalna bhi aa gaya
thi muddaton jo chhai hui mujh pe be-hisi
dekha tumhein to dil ko machalna bhi aa gaya
'sabir' mere liye the jo dushwar raste
un raston pe ab mujhe chalna bhi aa gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
