phir hujum-e-hawas o aalam-e-tanhai hai

phir hujūm-e-havas o ālam-e-tanhā.ī hai

phir vahī silsila-e-anjuman-ārā.ī hai

rahm kar ai havas-e-lazzat-e-āzār na chheḌ

dil-e-bīmār ne mar mar ke shifā paa.ī hai

daad leñ kis se tirī diid kī ai husn-e-nigār

ḳhud tamāshā tire jalve kā tamāshā.ī hai

dekh to chal ke shahīdān-e-vafā kā aalam

ḳhuun zaḳhmoñ se nikaltā hai bahār aa.ī hai

phir vahī dast-o-garebān haiñ vahī josh-e-junūñ

phir vahī yaad vahī bādiya-paimā.ī hai

ḳhud mirī sub.h sunā degī unheñ haal mirā

mirā ḳhāmosh hī rahnā mirī goyā.ī hai

dil-pasand-e-nigah-e-nāz-e-butāñ hai 'taufīq'

ain but-ḳhāne meñ ka.abe ne jagah paa.ī hai

phir hujum-e-hawas o aalam-e-tanhai hai

phir wahi silsila-e-anjuman-arai hai

rahm kar ai hawas-e-lazzat-e-azar na chheD

dil-e-bimar ne mar mar ke shifa pai hai

dad len kis se teri did ki ai husn-e-nigar

KHud tamasha tere jalwe ka tamashai hai

dekh to chal ke shahidan-e-wafa ka aalam

KHun zaKHmon se nikalta hai bahaar aai hai

phir wahi dast-o-gareban hain wahi josh-e-junun

phir wahi yaad wahi baadiya-paimai hai

KHud meri subh suna degi unhen haal mera

mera KHamosh hi rahna meri goyai hai

dil-pasand-e-nigah-e-naz-e-butan hai 'taufiq'

ain but-KHane mein kabe ne jagah pai hai