phir jo dekha dur tak ek KHamushi pai gai

phir jo dekhā duur tak ik ḳhāmushī paa.ī ga.ī

maiñ to samjhā thā ki ik merī hī goyā.ī ga.ī

phir vahī bādal ki jī uḌne ko chāhe jin ke saath

phir vahī mausam ki jab zanjīr pahnā.ī ga.ī

phir vahī taa.ir vahī un kī ġhazal-ḳhvānī ke din

phir vahī rut jis meñ merī naġhma-pairā.ī ga.ī

kuchh to hai āḳhir jo saarā shahr tārīkī meñ hai

yā mirā sūraj gayā yā merī bīnā.ī ga.ī

tham ga.e sab sañg sab shor-e-malāmat ruk gayā

maiñ hī kyā jī se gayā saarī saf-ārā.ī ga.ī

pūchhtī hai dastakeñ de de ke shorīda havā

kis kā ḳhema thā ki jis meñ raushnī paa.ī ga.ī

phir jo dekha dur tak ek KHamushi pai gai

main to samjha tha ki ek meri hi goyai gai

phir wahi baadal ki ji uDne ko chahe jin ke sath

phir wahi mausam ki jab zanjir pahnai gai

phir wahi tair wahi un ki ghazal-KHwani ke din

phir wahi rut jis mein meri naghma-pairai gai

kuchh to hai aaKHir jo sara shahr tariki mein hai

ya mera suraj gaya ya meri binai gai

tham gae sab sang sab shor-e-malamat ruk gaya

main hi kya ji se gaya sari saf-arai gai

puchhti hai dastaken de de ke shorida hawa

kis ka KHema tha ki jis mein raushni pai gai