phir mujhe qismat tumhaare shahr mein lane ko hai

phir mujhe qismat tumhāre shahr meñ laane ko hai

phir tumhāre shahr meñ nūr-e-sahar chhāne ko hai

ai ḳhudā-e-zulm-o-jabr-o-barbariyyat hoshiyār

āsmāñ ke us taraf merī fuġhāñ jaane ko hai

aap kī furqat meñ rote haiñ dar-o-dīvār maañ

aap se bichhḌe haiñ jab se ghar hameñ khāne ko hai

ik faqat dīdār kī ḳhātir kiyā marnā qubūl

sham' se kaisī mohabbat haa.e parvāne ko hai

mausam-e-bārāñ meñ rone kī suhūlat ho ga.ī

is liye āñkhoñ se dariyā aaj bah jaane ko hai

phir koī maa.il huā sahrā-navardī kī taraf

phir kisī lailā se yā'nī 'ishq dīvāne ko hai

pūchhtī ho bārhā kyoñ ashk kyoñ haiñ ġham hai kyoñ

ashk piine ke liye haiñ ġham 'sahar' khāne ko hai

phir mujhe qismat tumhaare shahr mein lane ko hai

phir tumhaare shahr mein nur-e-sahar chhane ko hai

ai KHuda-e-zulm-o-jabr-o-barbariyyat hoshiyar

aasman ke us taraf meri fughan jaane ko hai

aap ki furqat mein rote hain dar-o-diwar man

aap se bichhDe hain jab se ghar hamein khane ko hai

ek faqat didar ki KHatir kiya marna qubul

sham' se kaisi mohabbat hae parwane ko hai

mausam-e-baran mein rone ki suhulat ho gai

is liye aankhon se dariya aaj bah jaane ko hai

phir koi mail hua sahra-nawardi ki taraf

phir kisi laila se ya'ni 'ishq diwane ko hai

puchhti ho barha kyon ashk kyon hain gham hai kyon

ashk pine ke liye hain gham 'sahar' khane ko hai