phir na māñgūñgā kabhī jaam Thahar jā saaqī
'umr likh dūñgā tire naam Thahar jā saaqī
sirf piine ke liye aatā nahīñ huuñ dar pe
aaj karnā hai bahut kaam Thahar jā saaqī
ham ko milne nahīñ deñge ye zamāne vaale
be-sabab karte haiñ badnām Thahar jā saaqī
log socheñge koī aayā hai maiḳhāne meñ
yaad rah jā.egī ye shaam Thahar jā saaqī
vaqt mushkil se milā hai to mujhe karne de
do-ghaḌī ke liye ārām Thahar jā saaqī
tū ne āġhāz kiyā hai to pilā jī bhar ke
dekhne de mujhe anjām Thahar jā saaqī
shauq ke vāste piinā bhī koī piinā hai
chhoḌ jā.eñge ye paiġhām Thahar jā saaqī
ḳhaas logoñ meñ sabhī ginte haiñ mujh ko 'naurang'
ho na jā.ūñ kahīñ maiñ 'aam Thahar jā saaqī
phir na mangunga kabhi jam Thahar ja saqi
'umr likh dunga tere nam Thahar ja saqi
sirf pine ke liye aata nahin hun dar pe
aaj karna hai bahut kaam Thahar ja saqi
hum ko milne nahin denge ye zamane wale
be-sabab karte hain badnam Thahar ja saqi
log sochenge koi aaya hai maiKHane mein
yaad rah jaegi ye sham Thahar ja saqi
waqt mushkil se mila hai to mujhe karne de
do-ghaDi ke liye aaram Thahar ja saqi
tu ne aaghaz kiya hai to pila ji bhar ke
dekhne de mujhe anjam Thahar ja saqi
shauq ke waste pina bhi koi pina hai
chhoD jaenge ye paigham Thahar ja saqi
KHas logon mein sabhi ginte hain mujh ko 'naurang'
ho na jaun kahin main 'am Thahar ja saqi
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
