phir saje bazm-e-tarab zulf khule shana chale

phir saje bazm-e-tarab zulf khule shāna chale

phir vahī silisla-e-shoḳhī-e-rindāna chale

phir ye yakjā.ī-e-yārān-e-chaman ho ki na ho

der tak aaj zarā bazm meñ paimāna chale

phir koī qais ho āvāra-e-sahrā-e-junūñ

phir kisī gesū-e-shab-rañg kā afsāna chale

ham vo bad-mast-e-junūñ haiñ jo sar-e-rāh-e-hayāt

kabhī bā-hosh kabhī hosh se begāna chale

ham ne chāhā to na thā un se ulajhnā lekin

is ko kyā kahiye vo har chaal harīfāna chale

vaqt badlā hai to phir kyuuñ na ba-andāz-e-digar

vahī tahrīk-e-shikast-e-ḳhum-o-ḳhum-ḳhān chale

phir saje bazm-e-tarab zulf khule shana chale

phir wahi silisla-e-shoKHi-e-rindana chale

phir ye yakjai-e-yaran-e-chaman ho ki na ho

der tak aaj zara bazm mein paimana chale

phir koi qais ho aawara-e-sahra-e-junun

phir kisi gesu-e-shab-rang ka afsana chale

hum wo bad-mast-e-junun hain jo sar-e-rah-e-hayat

kabhi ba-hosh kabhi hosh se begana chale

hum ne chaha to na tha un se ulajhna lekin

is ko kya kahiye wo har chaal harifana chale

waqt badla hai to phir kyun na ba-andaz-e-digar

wahi tahrik-e-shikast-e-KHum-o-KHum-KHan chale