phir se mumkin ho to rishton ko sanwara jae

phir se mumkin ho to rishtoñ ko sañvārā jaa.e

'ishq ko dil se kabhī yuuñ na utārā jaa.e

saḳhtiyoñ se ye baġhāvat pe utar aate haiñ

narm lahje se hī bachchoñ ko sudhārā jaa.e

'ishq kā khel agar khel rahe ho dil se

jiit jaane ke liye phir ise haarā jaa.e

jis se hāsil kareñ 'ibrat ye zamāne vaale

is tarah kā bhī koī vaqt guzārā jaa.e

husn-o-kirdār kī ḳhushbū se mo'attar ho kar

mulk aur qaum ko mil-jul ke sañvārā jaa.e

'yāsmīñ' sab kī hī suntā hai mirā rabb-e-karīm

shart ye hai ki use dil se pukārā jaa.e

phir se mumkin ho to rishton ko sanwara jae

'ishq ko dil se kabhi yun na utara jae

saKHtiyon se ye baghawat pe utar aate hain

narm lahje se hi bachchon ko sudhaara jae

'ishq ka khel agar khel rahe ho dil se

jit jaane ke liye phir ise haara jae

jis se hasil karen 'ibrat ye zamane wale

is tarah ka bhi koi waqt guzara jae

husn-o-kirdar ki KHushbu se mo'attar ho kar

mulk aur qaum ko mil-jul ke sanwara jae

'yasmin' sab ki hi sunta hai mera rabb-e-karim

shart ye hai ki use dil se pukara jae