phir tabiat meri ghabrai kise aawaz dun

phir tabī'at merī ghabrā.ī kise āvāz duuñ

kāTne dauḌe hai tanhā.ī kise āvāz duuñ

dil hai pahle se hī saudā.ī kise āvāz duuñ

zindagī le kar kahāñ aa.ī kise āvāz duuñ

din ke Dhalte Dhalte jo hamdard the ruḳhsat hue

shab ne chādar ġham kī phailā.ī kise āvāz duuñ

koī suntā hī nahīñ duniyā meñ bekas kī sadā

har taraf hangāma-ārā.ī kise āvāz duuñ

kaun degā ab sahārā sūjhtā kuchh bhī nahīñ

bujh ga.ī āñkhoñ kī bīnā.ī kise āvāz duuñ

jo milā hai zindagī meñ zaḳhm hī de kar gayā

aisī hālat meñ 'samar' bhaa.ī kise āvāz duuñ

phir tabi'at meri ghabrai kise aawaz dun

kaTne dauDe hai tanhai kise aawaz dun

dil hai pahle se hi saudai kise aawaz dun

zindagi le kar kahan aai kise aawaz dun

din ke Dhalte Dhalte jo hamdard the ruKHsat hue

shab ne chadar gham ki phailai kise aawaz dun

koi sunta hi nahin duniya mein bekas ki sada

har taraf hangama-arai kise aawaz dun

kaun dega ab sahaara sujhta kuchh bhi nahin

bujh gai aankhon ki binai kise aawaz dun

jo mila hai zindagi mein zaKHm hi de kar gaya

aisi haalat mein 'samar' bhai kise aawaz dun