phir tere reshmi lab mujhko manane aae

phir tire reshmī lab mujh ko manāne aa.e

pyaas janmoñ kī phir ik baar bujhāne aa.e

yaad se us kī kaho aaj satāne aa.e

ḳhvāb āñkhoñ se, sakūñ dil se churāne aa.e

aaj phir dard ke bāzār saje haiñ yaaro

ashk phir āñkhoñ meñ dūkān lagāne aa.e

tū ne ehsās kī daulat se navāzā thā magar

ziist ke fikr-o-alam hosh uḌāne aa.e

muntazir aaj talak bhī haiñ ki is raat kabhī

tū kisī aur se milne ke bahāne aa.e

kam-sinī mujh meñ yahī soch ke zinda hai 'sahar'

maiñ jo rūThūñ to kabhī tū bhī manāne aa.e

phir tere reshmi lab mujh ko manane aae

pyas janmon ki phir ek bar bujhane aae

yaad se us ki kaho aaj satane aae

KHwab aankhon se, sakun dil se churane aae

aaj phir dard ke bazar saje hain yaro

ashk phir aankhon mein dukan lagane aae

tu ne ehsas ki daulat se nawaza tha magar

zist ke fikr-o-alam hosh uDane aae

muntazir aaj talak bhi hain ki is raat kabhi

tu kisi aur se milne ke bahane aae

kam-sini mujh mein yahi soch ke zinda hai 'sahar'

main jo ruThun to kabhi tu bhi manane aae