phir unki yaad ke dipak jalae hain maine

phir un kī yaad ke dīpak jalā.e haiñ maiñ ne

ki ḳhufta hasrat-o-armāñ jagā.e haiñ maiñ ne

zamāna jin ke tasavvur se hī laraz uTThe

qalīl umr meñ vo ġham uThā.e haiñ maiñ ne

ġham-o-alam ke samundar meñ Duub kar aksar

nashāt-o-aish ke naġhmāt gaa.e haiñ maiñ ne

nahīñ nahīñ hai nahīñ qābil-e-yaqīñ koī

ḳhudā ke bande bahut āzmā.e haiñ maiñ ne

huā hai aaj ye ik lamha-e-tarab hāsil

vagarna aañsū hī aañsū bahā.e haiñ maiñ ne

'jamāl' talḳh tajrabāt buġhz-o-nafrat se

tarāne mehr-o-vafā ke sunā.e haiñ maiñ ne

phir un ki yaad ke dipak jalae hain main ne

ki KHufta hasrat-o-arman jagae hain main ne

zamana jin ke tasawwur se hi laraz uTThe

qalil umr mein wo gham uThae hain main ne

gham-o-alam ke samundar mein Dub kar aksar

nashat-o-aish ke naghmat gae hain main ne

nahin nahin hai nahin qabil-e-yaqin koi

KHuda ke bande bahut aazmae hain main ne

hua hai aaj ye ek lamha-e-tarab hasil

wagarna aansu hi aansu bahae hain main ne

'jamal' talKH tajrabaat bughz-o-nafrat se

tarane mehr-o-wafa ke sunae hain main ne