phir uske phande mein ja rahe hain ki jis ke phande mein ja chuke the

phir us ke phande meñ jā rahe haiñ ki jis ke phande meñ jā chuke the

vahī musībat uThā rahe haiñ ki jo musībat uThā chuke the

kaho jo bejā bajā hai mujh ko sazā hai jo nā-sazā hai mujh ko

ki un kā ronā paḌā hai mujh ko jo muddatoñ tak rulā chuke the

jo un kī ḳhū thī so un kī ḳhū hai jo guftugū thī so guftugū hai

phir un pe miTne kī aarzū hai jo har tarah se miTā chuke the

adū kā maiñ huuñ adū muqarrar barābar aa ke hue barābar

bhalā badaltā na rañg kyuuñ kar vo rañg apne jamā chuke the

kisī se koī na dil lagā.e 'nasīm' kyā kaifiyat batā.e

vahī ab aañsū bahāne aa.e lahū jo merā bahā chuke the

phir us ke phande mein ja rahe hain ki jis ke phande mein ja chuke the

wahi musibat uTha rahe hain ki jo musibat uTha chuke the

kaho jo beja baja hai mujh ko saza hai jo na-saza hai mujh ko

ki un ka rona paDa hai mujh ko jo muddaton tak rula chuke the

jo un ki KHu thi so un ki KHu hai jo guftugu thi so guftugu hai

phir un pe miTne ki aarzu hai jo har tarah se miTa chuke the

adu ka main hun adu muqarrar barabar aa ke hue barabar

bhala badalta na rang kyun kar wo rang apne jama chuke the

kisi se koi na dil lagae 'nasim' kya kaifiyat batae

wahi ab aansu bahane aae lahu jo mera baha chuke the