phir wahi karb-e-guzarish wahi mansha apna

phir vahī karb-e-guzārish vahī manshā apnā

koī iz.hār kī sūrat na taqāzā apnā

chehra-dar-chehra liye apne kiye ke tevar

jaane kis soch meñ gum-sum thā masīhā apnā

āñkhoñ āñkhoñ ke ye ziine ye ta.alluq kī bisāt

dil hī ilhām hai aur dil hī sahīfa apnā

is mafājāt-o-mukāfāt ke māmūre meñ

farz yā arz-e-munājāt hai hissa apnā

aks-dar-aks kī ik tarfa kashākash kā asiir

masḳh thā ā.ina-ḳhāne meñ sarāpā apnā

be-tanābī bhī bagūle bhī kashākash bhī vahī

kyā huā dasht-e-tamannā meñ bhī ḳhema apnā

ḳhidmat-e-ḳhalq kā aise meñ tasavvur bhī kyā

log sab kuchh haiñ sañbhāle hue apnā apnā

be-tukī baat hai uḌ jā.egī be-par 'rāhī'

tum ne likkhā hai havāoñ pe fasāna apnā

phir wahi karb-e-guzarish wahi mansha apna

koi izhaar ki surat na taqaza apna

chehra-dar-chehra liye apne kiye ke tewar

jaane kis soch mein gum-sum tha masiha apna

aankhon aankhon ke ye zine ye talluq ki bisat

dil hi ilham hai aur dil hi sahifa apna

is mafajat-o-mukafat ke mamure mein

farz ya arz-e-munajat hai hissa apna

aks-dar-aks ki ek tarfa kashakash ka asir

masKH tha aaina-KHane mein sarapa apna

be-tanabi bhi bagule bhi kashakash bhi wahi

kya hua dasht-e-tamanna mein bhi KHema apna

KHidmat-e-KHalq ka aise mein tasawwur bhi kya

log sab kuchh hain sanbhaale hue apna apna

be-tuki baat hai uD jaegi be-par 'rahi'

tum ne likkha hai hawaon pe fasana apna