phir zaban pe wahi bhula sa fasana aaya

phir zabāñ pe vahī bhūlā sā fasāna aayā

yaad vo be-ḳhudī kā phir se zamāna aayā

lete añgḌā.ī haiñ ġham zaḳhm lage haiñ risne

yaad jab bhūlā huā dost purānā aayā

vo Thahartā hai kahāñ laakh bulā.e koī

lauT ke vaqt ko to thā nahīñ aanā aayā

zulf ziddī jo jabīñ ko mirī chhūkar guzrī

abr ko yaad koī va.ada nibhānā aayā

tītarī sañg ye dil aaj jo āvāra hai

lauT ke vaqt vo bachpan kā suhānā aayā

charchā mahfil meñ jo phir aaj merī thī niklī

har galī-kūche se phir merā dīvāna aayā

kar liyā va.ada lo phir us ne jo milne kā phir

dekhnā kal nayā kyā yaad bahāna aayā

phir zaban pe wahi bhula sa fasana aaya

yaad wo be-KHudi ka phir se zamana aaya

lete angDai hain gham zaKHm lage hain risne

yaad jab bhula hua dost purana aaya

wo Thaharta hai kahan lakh bulae koi

lauT ke waqt ko to tha nahin aana aaya

zulf ziddi jo jabin ko meri chhukar guzri

abr ko yaad koi wada nibhana aaya

titari sang ye dil aaj jo aawara hai

lauT ke waqt wo bachpan ka suhana aaya

charcha mahfil mein jo phir aaj meri thi nikli

har gali-kuche se phir mera diwana aaya

kar liya wada lo phir us ne jo milne ka phir

dekhna kal naya kya yaad bahana aaya